Aduna
BIZTANLERIA
472
AZALERA
6,9 km²
SEKTOREA
Industria
HONDAKINEN DATUAK
36.50 Kg
Urtean biztanle bakoitzak sortzen duen zabor kopurua. Oraingoz birziklagarria ez dena.
%60,6
Gaikako bilketa
%100
Herritarrak zuzenean konpostatzen duten sortutako organikoaren maila.
PREBENTZIOA
Herriko festa eta ekitaldietan edalontzi, plater eta mahai-tresna berrerabilgarriak erabiltzen dituzte.
ORGANIKOA
Aduna Zero Zabor herria da, organiko guztia herrian bertan kudeatzen delako. Organikoaren kudeaketa, herrigunean zehar jarritako auzo-konpost guneen bidez eta baratza edo lorategia duten etxeetan jarritako konpostagailuen bidez egiten da. Irudian Adunako auzo-konpost gune bat agertzen da.
ERREFUSA
Herrigunean, errefusa atez ate biltzen dute udal langileek astean behin. Landagunean, errefusa, hondakinak sailkatzeko etxoletan aurkitzen diren etxez etxe identifikatutako gantxo batzuetatik jasotzen da. Errefusa identifikatuta biltzen da, hondakinen sailkapena etxe guztietan ondo egiten dela bermatzeko.
BESTELAKO FRAKZIOAK: ONTZI-ARINAK, PAPERA, BEIRA, PILAK, ARROPA, OLIOA…
Herrigunean, gainontzeko frakzio guztiak ohiko edukiontzi handietan sailkatuta atera behar ditu herritarrak. Landagunean berriz, hondakinak sailkatzeko jarritako etxoletan sailkatu behar ditu frakzio guztiak. Ondoren, udal langileak, etxola hauetatik, herriguneko hondakin ohiko edukiontzi handietara eramaten dituzte. Modu honetan, auzoetako biztanleei sailkatzeko aukera errazten zaie. Arropa eta erabilitako olioen edukiontziak herrigunean aurkitzen dira. Hondakinak sailkatzea legez ezinbestekoa da.
KALEKO HONDAKIN-ONTZIAK
Adunan dauden kaleko hondakin-ontzi guztiak sailkatzeko prestatuta daude.
SARIAK
Adunak Conama saria jaso zuen 2013ko azaroan. Herri txiki eta ertainen jasangarritasun saria hain justu.
ADUNAKO EREDUA ZABALTZEN
