Usurbil
BIZTANLERIA
6.223
AZALERA
24,9 km²
SEKTOREA
Industria
HONDAKINEN DATUAK
78,78 Kg
Urtean biztanle bakoitzak sortzen duen zabor kopurua. Oraingoz birziklagarria ez dena.
% 84,75
Gaikako bilketa
% 15,21
Herritarrak zuzenean konpostatzen duten sortutako organikoaren maila.
PREBENTZIOA
Erosketak egiteko poltsak banatu dituzte Usurbilen herritarren artean.
Erosketak egiteko tuperrak banatu dituzte Usurbilen herritarren artean.
Udal langileen artean, kafe makinan erabiltzeko katiluak banatu dituzte.
Atez ate papera eta ontzi arinak ateratzerakoan zabor poltsak ez erabiltzeko, berrerabiltzeko poltsa urdin eta horiak banatu dituzte.
ORGANIKOA
Organikoaren kudeaketa, herrigunean zehar jarritako auzo-konpost guneen bidez eta baratza edo lorategia duten etxeetan jarritako konpostagailuen bidez egiten da. Goiko irudian auzo batean dagoen auzokonpost gunea agertzen da.
Organikoa atez ate ere biltzen da. Irudian poste bat agertzen da, organikoaren ontzi batekin.
Atez ate biltzen den organikoaren zati bat herriko baserritarrek kudeatzen dute. Sortutako konposta beraein zelaiak ongarritzeko erabiltzen dute.
ATEZ ATEKO HONDAKIN BILKETA
Herrigunean, atez ate biltzen dituzte errefusa, organikoa, ontzi-arinak eta papera. Azpimarratu behar da, Usurbilen asmatu zela, hondakinak atez ate, postetan zintzilikatuta jartzeko sistema, hondakinak lurretik jaso ez zitezen. Modu askoz txukun eta antolatuagoa inondik ere. Organikoa astean hirutan jasotzen da, ontzi arinak bitan eta errefusa eta papera berriz astean behin.
Landa eremuetan berriz, itxitako bilketa guneak dauzkate. Bertan hondakin mota guztiak sailkatzeko aukera daukate.
BEIRA, PILAK, ARROPA, OLIOA…
Frakzio guzti hauek herrigunean horretarako jarritako edukiontzietan egiten dira. Badaude gainera, garbigunerako gauza txikiak (bonbilak…) sailkatzeko propio jarritako kaleko edukiontzi berezi batzuk ere.
URBIL MERKATALGUNEAREN KUDEAKETA
Usurbilgo Urbil merkatal zentroa Gipuzkoa osoko handienetakoa da. 64 denda, 11 jatetxe eta 8 zine sala ditu. Merkatal zentro honetan sortzen diren hondakin guztiak atez ate biltzen dira.
KALEKO HONDAKIN-ONTZIAK
Usurbilen dauden kaleko hondakin-ontzi guztiak sailkatzeko prestatuta daude.
SORTZE BIDEZKO HONDAKIN TASAK
Zabor tasak zati finko bat du, eta beste bat aldakorra, ateratzen den errefusa kopuruaren araberakoa. Gero eta errefusa gutxiago atera, orduan eta gutxiago ordaintzen da. Irudian, langilea ageri da, errefusa ontzia markatzen.
PARTE HARTZE PROZESUA
Atez ateko sistema jarri aurretik, batzar ugari antolatu ziren herritarrek prozesu honetan parte hartu ahal izateko.
KANPAINAK
Erabilitako olioa sailkatzeko kanpaina.
Lurrera botatzen den zaborra ikusarazteko kanpaina.
ENPRESA PUBLIKOA
Hondakinak sailkatuta jasotzeaz arduratzen den Garbitania enpresa publikoaren parte da Usurbilgo Udala.
USURBILGO EREDUA ZABALTZEN
